‘திடீர்ன்னு இவருக்கு இப்டி ஆய்டுச்சே..!’- தென் ஆப்பிரிக்கா சுற்றுப்பயணத்தில் இருந்து விலக்கப்பட்ட ரோகித் சர்மா..!

இந்திய கிரிக்கெட் அணி அடுத்ததாக தென் ஆப்பிரிக்கா சுற்றுப்பயணம் மேகொள்ள உள்ளது. இதற்கான அணி வீரர்களின் பட்டியலில் நேற்று திடீரென ரோகித் சர்மா நீக்கப்பட்டுள்ளார்.

ஒரு நாள் போட்டிகள் மற்றும் டி20 ஃபார்மெட்டுகளில் கேப்டன் ஆக நியமிகப்பட்டுள்ள ரோகித் சர்மா டெஸ்ட் போட்டிகளில் துணை கேப்டன் பொறுப்பில் தொடர உள்ளார். விராட் கோலி தலைமையிலான இந்திய அணி முதலில் தென் ஆப்பிரிக்காவில் அந்த நாட்டு அணிக்கு எதிரான டெஸ்ட் தொடரில் விளையாட உள்ளது. 3 போட்டிகள் கொண்ட டெஸ்ட் தொடர் தொடங்க உள்ள நிலையில் அணியில் இருந்து நீக்கப்பட்டுள்ளார் துணை கேப்டன் ரோகித் சர்மா.

தென் ஆப்பிரிக்காவுக்கு எதிரான டெஸ்ட் போட்டியில் தொடக்க ஆட்டக்காரர் ஆக களம் இறக்கப்பட இருந்த ரோகித் சர்மா அணிப் பட்டியலில் இருந்து திடீரென நீக்கப்பட்டுள்ளார். கடந்த ஒரு வாரமாக ரோகித் சர்மா இந்த டெஸ்ட் தொடருக்காக மும்பையில் உள்ள பாந்த்ரா குர்லா காம்ப்ளக்ஸ் வளாகத்தில் கடுமையான பயிற்சிகளை மேற்கொண்டு வந்துள்ளார்.

பயிற்சியின் போது ரோகித் சர்மாவுக்குக் காயம் ஏற்பட்டுள்ளது. இந்தக் காயம் சற்று கடுமையானதாக இருப்பதால் தென் ஆப்பிரிக்கா தொடரில் இருந்தே விலகும் சூழலில் ரோகித்துக்கு ஏற்பட்டுள்ளது. இதனால் டெஸ்ட் தொடரின் 3 போட்டிகளிலுமே ரோகித் பங்கேற்கப்போவது இல்லை என அறிவிக்கப்பட்டுள்ளது. மேலும், ரோகித் சர்மாவுக்குப் பதிலாக பிரியங்க் பஞ்சல் டெஸ்ட் தொடரில் விளையாட உள்ளார்.